深圳南山中心 9/3/2025 19:00
0元探店韓燒二人套餐！
韓香亭韓式燒烤店環境充滿著韓國街頭的濃濃氛圍，環境舒適又清爽，完全不怕滿身煙味！
泡菜酸酸辣辣、醃蘿蔔、海帶絲等韓式小菜種類非常豐富，而且可以無限續加，其中馬鈴薯蓉非常綿密，味道甜甜的，小朋友非常喜歡。而且南瓜粥味道香甜，南瓜味香濃，飲多幾碗都可以。
先來雪花肥牛，睇上去略肥。經燒烤後食得出柔嫩彈性，脂肪融化，微甜醬香與雪花肥牛融合，如用爽脆的生菜葉包裹肥牛就更加清爽。
五花肉厚薄均勻，烤得滋滋作響時，不僅外表焦香內里多汁，搭配鹹鮮味濃的韓式大醬與脆爽的生菜，真心不錯。
燒汁橫膈膜肋經過韓式醬汁的腌製，甜鹹平衡得恰到好處，入口鮮嫩而帶有淡淡焦香，可惜口感較靭。
韓式香腸燒汁脆卜卜，味道香濃。蒜蓉金菇入味，香氣滿滿。
最後，飲番杯冰涼嘅酸梅汁同橙汁，就能解膩。整體服務不錯，店員哥哥全程細心幫燒。
尖沙咀 1/3/2025 12:30
小店細細，入座先來一小碟泡菜同醬菜，泡菜微辣酸甜適中，加左一絲絲類似蝦米，咸鮮味。
釜山鮮鮑魚粥 $138
熱辣辣嘅鮑魚粥送上枱，粥底用高湯熬製，粥底味道濃郁煮得軟腍，仲加左大量嘅翠玉瓜、洋葱同紅蘿蔔，多一份清甜。鮑魚一絲絲，口感彈牙。加上大量紫菜舖面，同濃郁嘅麻油香，好味又暖胃。加一少啖微辣泡菜，即時變得香濃惹味。
釜山魚糕烏冬 $108
一大串魚糕放烏冬面，視覺效果一流！烏冬麵扁身白滑，口感非常幼滑彈牙，米味香濃，係我喜歡嘅味道。湯底係甜甜清淡魚湯，送烏冬一流。湯裡仲有薄魚片、炸粒粒的，本身已經非常豐富。主角係一大串各式各樣唔同形狀嘅魚糕，魚糕口感彈牙，魚味香濃，食得出每一款口味都有微妙嘅分別。
煎韓牛餃子 $82
賣相吸引，你着餃子都脹卜卜，外皮金黃焦脆。牛肉餡料豐富，啖啖肉仲混合咗蔬菜洋蔥甜味，肉汁豐富，輕輕點啖醋加點酸已經好好味。
蜜桃梳打 $27
尖沙咀東 25/1/2025 12:00
今日同朋友食飯，來到尖東韓脈食正宗韓國菜。星期六中午仲有Rotating Pot Pork Belly BBQ套餐，非常吸引。先來一系列精緻嘅韓式前菜，沙津香甜新鮮、香腸非常惹味。第一次試醬油味鵪鶉蛋，非常入味，蛋味香濃。好鍾意呢度嘅泡菜辣道適中，酸酸甜甜。
套餐揀左一份牛胸肉大醬湯。石鍋湯熱辣辣，散發出濃郁嘅豆醬香氣。湯頭厚重且充滿層次感，豆醬風味濃郁鹹香。材料非常豐富，大大件牛胸肉口感嫰滑肉質細膩。仲有好多瓜菜、豆腐，完完全全吸收湯汁精華，豆腐特別腍滑。呢碗大醬湯暖笠笠夠晒飽足，岩晒今日咁凍嘅天氣。
主菜豬五花肉燒烤用一個自動旋轉烤爐，可以均勻煮熟食物。長長一條五花肉切得略厚，喺烤爐上轉下轉下都幾得意。豬肉本身無太多調味，外面酥脆，中間嫩滑爽口，食得出豬肉本身嘅甜味。搭配新鮮生菜，自行加上豆醬，仲可以加少少洋蔥，味道香濃惹味。除左燒烤，仲可以揀泡菜炒飯，又係用旋轉烤爐即炒，熱辣辣，加左大量紫菜同泡菜，辣辣地麻油香味濃。
朋友話呢度必試招牌醬油蟹，蟹膏黃油勁多，入口即化，而且鹹香甘甜，海味香濃。仲配上牛油紫菜飯，滿滿麻油香味，加左蛋黃好柔和。
呢度嘅老闆係韓國人，態度非常親切友善，會細心幫你烤煮，服務十分好。好難得係尖沙咀可以舒舒服服食一餐咁好食嘅韓國菜。午市仲有單人餐，價錢唔貴，下次可以再試。
馬鞍山 15/11/2024 12:00
馬鞍山 15/9/2024 18:00
雞扒粟米石頭鍋珍珠飯 $68
熱辣辣，雞扒相當大塊，頭鍋珍珠飯材料都好豐富，除咗有大量嘅粟米，仲有好多紫菜，芽菜泡菜等等。另外可以按個人喜好加上甜醬油或者辣醬油。
韓式牛肉炒粉絲 $67
材料非常豐富，牛肉大大片，仲有好多蔬菜同埋冬菇，炒得幾香。
魔鬼芝士焗香腸 $38
非常邪惡嘅一個小食，香腸脆皮肉汁豐富，芝士非常濃郁。
釜山炸雞批薩
馬鞍山 10/10/2024 18:00
上次食過呢間炸雞非常好食，今次再來二訪，原來出咗新菜式。
炸雞二重奏 $219
上次試過五味炸雞，今次精選兩款口味雙拼，兩個味道都係小朋友最鍾意。炸雞仍然都係卜卜，啖啖肉。雙重芝味真係超級好食，芝士粉舖滿外皮，好香好甜，芝味十足。蜜糖芥末醬非常濃厚，酸酸甜甜，有醬汁比較濕潤。
皇者至尊比薩 $169
賣相好靚，材料豐富，舖滿豬肉粒、辣肉腸、粟米等，材料非常豐富。餅皮非常薄，芝士濃郁。可能焗得耐咗，餅皮有少少腍。而家買炸雞或者Pizza，就送一份小食，揀咗韓式熱狗，估唔到有四大件咁多，仲加咗茄汁同埋蜜糖芥茉，小朋友非常喜歡。
烤豬頸肉 $158
估唔到份量咁多，大大盒豬頸肉，食得出甜甜嘅韓式烤肉醬已經入晒味，灑上一啲芝麻更加香，而且肉質非常嫩滑。仲有一盒新鮮生菜，可以自行配搭上微辣嘅豆醬，更加惹味。仲有一款醬係有小蝦嘅海鮮味醬油，同埋勁辣又好食八爪魚。
焗芝士粟米 $45
最後加咗個芝士超多，勁濃厚，粟米粒係超級無敵咁甜，就係小朋友最鍾意嘅口味。
馬鞍山 14/10/2023 18:00
今日買外賣晚餐，小店就喺馬鞍山後街一個唔起眼嘅角落，一入門口就相當韓國感覺，原來老闆同廚師都係韓國人。效率非常高，外賣只需等15分鐘，兩大袋，分量十足嘅外賣新鮮整好。外賣包裝非常之好，仲有手套附上。打開包裝，實在太豐富，太澎湃啦！
五味炸雞 $239
主打韓國炸雞當然要試吓，呢一個五味炸雞，就啱晒選擇困難症嘅人，一次過試齊五種唔同口味。先食原味，外皮脆卜卜，中間仲有肉汁，唔油膩。炸雞仲有加左洋蔥蛋黃醬，洋蔥味濃帶微酸。蜜糖芥末醬更加重口味。甜辣醬好杰身，帶微辣好開胃。個人最鍾意雙重芝味，芝士粉舖滿外皮，好香好甜，芝味十足。
韓式烤肉PIZZA $169
首次試韓式Pizza，賣相好靚仲好大個，餅底有厚度，芝士超多做到拉絲效果，材料豐富，主要係肉粒、火腿粒等，醬汁係甜甜嘅韓式燒烤醬，味道不錯。
炸醬麵 $68
炸醬麵醬汁味道帶甜，配料有薯仔肉碎等，麵條粗粗地有啲似烏冬，口感煙韌，每條麵條都沾上醬汁。
芝士蛋卷 $108
超大份嘅蛋卷，煎得好靚好工整，略為實淨厚身嘅蛋卷，中層夾左芝士，加少少番茄醬美味十足。
估唔到係馬鞍山收埋左一間咁正宗嘅韓國餐廳。味道好，份量勁多。實在係外賣Party Food好選擇。
深圳皇庭廣場 8/9/2024 18:00
原來皇廷廣場地牢收埋咗一間非常之fancy，全粉紅色嘅韓式小食餐廳。主打韓式小食，點評叫咗個特價石鍋飯套餐，熱辣辣，仲有海帶湯。
雙拼雞翼98元，雞翼超級大隻，炸皮都有啲厚度，相當脆口。一款奶香芝士，全隻雞翼被芝士粉包裹，芝士味香濃，雞肉有肉汁。另外一款休布林克炸雞，醬汁酸酸甜甜，仲加咗蛋黃醬，味道相當好。
