四季椰林 椰子雞
皇庭廣場 14/5/2023 17:30
邊爐新體驗
101手工涮涮鍋＠尖沙咀
18/3/2019 19:00
生左B之後已經好耐無出街食晚飯，已經成為大鄉里一個。經老友介紹黎呢間打邊聚餐，嘗試新嘅打邊爐體驗，果真非常驚喜。
前菜有手撕雞任食，非常開胃。大大杯台式飲品都係任點任飲，呢杯特濃朱古力珍珠真係非常濃郁，好飲。
見揀一個鍋底，冬瓜卜卜蜆肉海鮮鍋，非常澎湃，超多蜆肉，下面仲有大大個冬瓜，淨係食呢個鍋底已經好夠。湯底又夠味，蜆肉大大粒又鮮甜，非常好食。
揀左兩客台灣夜市拼盤，用黎打邊爐真係新創意。材料包括雞翼、豬耳、大腸、鵝腸等，本身已經好夠味，再係湯度煮一煮更加好味。
再揀多兩客係101特選手工火鍋拼盆，有招牌墨魚汁烏結、各式肉丸、餃子、黑松露蟹子海鮮軍艦等。幾隻招牌名物都相當有特色，又好味，打邊爐黎講，配料真係非常獨特。
豬頸肉
牛頸脊肥牛片，非常腍身，牛味濃，正。
響鈴，咸蛋黃魚片，非常香口，咸蛋黃味道好出。
埋單平日晚無限時$318。火鍋配料任加，飲品任飲，而且味道係好味。真係多得老友介紹，開發左一個新熱點。可惜星期六日有限時，無咁盡興，但都希望再黎。Bookmark一個先。
吉野家
吉野家
12/6/2016 09:30
10/7/2015 20:00
12/6/2016 09:30
@佐敦
吉野家牛、炒滑蛋，漢堡米粉、飲品 $31
10/7/2015 20:00
@油麻地
吉野家火鍋 ($60)
第一次黎食吉野家火鍋，原來都唔錯。
選擇左日式濃湯，係似壽喜燒甜甜地嘅湯底，味道會越煮越濃，唔夠仲可以自助加湯，任煲唔嬲。
火鍋配料有一碟肥牛，半肥瘦質素算係咁，煮一煮都唔會鞋。仲有芝士竹輪、蟹柳、豆腐、福袋、金菇、菜等，仲可揀一款烏冬底韓國粉絲。粉絲吸晒啲湯，非常好味。真係唔錯。
和民居食屋@馬鞍山
和民居食屋@馬鞍山
3/1/2016 19:30
30/8/2015 19:00
14/9/2014 20:00
3/1/2016 19:30
3/1/2016 19:30
30/8/2015 19:00
14/9/2014 20:00
3/1/2016 19:30
長崎風雜錦拉麵 $68
滑蛋豬柳飯 $63
自家製厚燒玉子 $38
豚平燒 $53
30/8/2015 19:00
滑蛋豬扒飯
大阪風鐵板燒炒麵 $58
和民特式炸雞 $43
14/9/2014 20:00
二人套餐 $264，加一後 $290.4
凱撒沙律、黑椒糖脆雞翼
意大利風薄切鮭魚、炸雞軟骨、焗蛋士年糕
海鮮蕃茄火鍋
北海道名物石鍋豚肉飯
居食屋 和民
居食屋 和民@沙田
25/11/2012 21:00
明太子香薯比薩 ($53)
石鍋和風牛小排飯 ($63)
牛小排非常軟腍，加上胡椒、鹽調味，牛油提味，牛味更濃。自由控制熟成程度為七成更加正，配飯一流。
豚平燒 ($48)
豚平燒 ($48)
朋友熱烈要求點的豚平燒的確唔錯。蛋奄列包住豐富醃料，配上特製燒汁、蛋黃醬，好味。
瑞士芝士火鍋 ($58)
芝士味勁濃，散發淡淡酒香。簡單配上法包就最好味，配料仲有香腸、大蝦、薯仔、車厘茄同西蘭花。
特濃蕃茄火鍋 ($68) 加自製意大利飯 ($26)
特濃蕃茄火鍋 ($68) 加自製意大利飯 ($26)
有牛肉片、蝦、青口、蔬菜等，加上蕃茄湯。食晒材料之後，加上芝士同飯一齊煮，成為茄汁香濃嘅意大利飯。熱辣辣幾好味，而且幾有心思，絕對夠飽。
滑蛋雞扒鍋
$46包場食牛陣
牛陣@尖沙咀
12/3/2012 13:45
12/3/2012 13:45
尖沙咀H8係為食貓新蒲點，咁耐都未搵到時間走上去，終於俾我買到牛陣嘅火鍋團購，有機會去下H8，又有機會試下有幾牛。無敵超筍團購優惠，只需$38就可以歎價值$78嘅「牛陣」上級牛肉火鍋午市半任食。
超筍套餐包括清湯底、一碟150g嘅美國上級牛肉或豬柳肉配豬肋肉，限時60 分鐘，可無限量追加其他三十多款火鍋配料，係原價值$78嘅果款套餐。
湯底
其實餐廳都容許加錢轉湯底，不過反而想清清地，試原汁原味。清湯底真係非常清，輕微甜甜地，平平地無所謂啦。
美國上級牛肉
150g原來都唔少，都有整整八大片。牛肉切得厚薄適中，除左中間部份較多脂肪之外，其他部份雪花分佈都非常平均，脂肪含量適中，紋路清晰，只不過唔知係唔係燈光不足，色水略為深紅。牛肉只需稍為涮十秒，七成熟嘅牛肉都幾腍滑，肉味都算幾濃郁。加埋必點嘅芝麻醬，多一份麻香味，更加惹味。
醬料
除左芝麻醬之外，仲有甜醬油等，另有蒜蓉、炸蒜、青蔥、辣椒等可以任意調配。
所有配菜係自助任攞，食物吧大約有二十款配料選擇，材料整齊企理，睇落都非常新鮮，感覺良好。有豆腐、廚師腸、烏冬、拉麵、粉絲等。個人覺得魚蛋幾彈牙唔錯，而牛肉丸雖然粉粉地，但中間有爆醬餡，幾特別。
蔬菜瓜果雜菇約有十款，都算幾新鮮，原來落南瓜打邊爐都唔錯。
Häagen-Dazs, presented by “I’m Sorry!” Hello Kitty
此店一大特色就係雪糕任食，因應唔同分店，提供大師或D記雪糕。揀得H8當然係貴價嘅大師啦。每次有四款雪糕任食，今日有咖啡、唔知芒果定蜜桃、士多啤梨同朱古力。不過有兩款比較受歡迎，份量唔多，而且雪得比較硬，要食就趁早。最好就係可以自由任加配料，有朱古力、士多啤梨醬、仲有朱古力彩針等，可以隨意配搭。
特登揀平日嘅兩點鐘，避開啲上班一族食飯時間，可以慢慢嘆，唔洗同人爭。去到嘅時候，只剩低三枱客，店方安排我地坐大大張四人枱。呢間分店應該新開無耐，裝修企理，座位都好闊落舒適。可能真係人流唔多，侍應們可以專心服待幾枱客，態度良好，並無出現網友們所講嘅十問九唔應。到後半場時間，幾枱客都走晒，只得我倆包場。快樂嘅時光過得特別快，60分鐘過去，都無任何一位職員催促埋單，亦無明示或暗示請你離開。只不過湯底煲左一個鐘，水份唔多，自動限時。食得飽飽，後段慢慢嘆雪糕，任食唔嬲。最後，我地坐足75分鐘先慢慢離去，職員們亦無任何黑面，唔順氣嘅表情，繼續大大聲笑住咁講多謝晒，仲友善提醒記得攞齊野。團購$38，另計加一$8，呢八蚊係值得俾的。
$46喺九龍區食午餐係閒閒地，今次仲可以包場半任食，的確抵。呢個套餐原價$78，都係合理價錢。不過事實證明食放題避開人流，係比較有著數。
題外話，當日大約2:30pm，見到有位疑似牛陣日本高層黎睇場，唔知會唔會係服務特別好嘅另一個原因?