酸奶罐罐
深圳in城市 6/9/2026 13:30
霸氣積分換購。蜜李桃桃酸奶昔簡直是消暑神器！份量超足，粉嫩賣相就讓人食慾大開。吸管一插到底大吸一口，濃稠冰涼的酸奶順滑入喉，酸甜比例拿捏得恰到好處。酸奶的天然微酸完美中和了桃肉的甜，既解膩又富飽腹感，絕對是果茶控和乳品愛好者必衝的夏日天花板！
魚蛋佬
土瓜灣 31/8/2026 17:00
今日嚟到土瓜灣天光道嘅「魚旦佬」掃街嘆下午茶小食。
日式餃子 $20﹕呢份日式餃子炸到外皮金黃脆卜卜，咬開入面包滿豬肉碎同爽脆蔬菜餡料，肉質緊緻多汁，肉香與菜甜味交織得剛剛好。沾少少餃子醋一齊食，微酸提鮮又解膩，熱辣辣食落相當惹味可口。
魚蓉燒賣併招牌白魚蛋 $21﹕街頭經典嘅魚蓉燒賣蒸得熱氣騰騰，黃色嘅外皮薄滑軟熟。入面嘅魚蓉肉餡扎實彈牙，帶有淡淡嘅魚香，完全唔會粉感過重。淋上靈魂甜豉油，係百食不厭嘅港式掃街小食。魚蛋粒粒雪白圓潤，煮得熱辣燙口。一啖咬落去爽口彈牙，齒頰留香，食得出鮮甜嘅魚肉鮮味，完全無腥味亦唔會過鹹。簡單淋上少許豉油或者原汁原味品嚐，都食到魚蛋最純正純粹嘅鮮味。
雙拼丸 $22﹕呢碗雙拼丸一次過滿足兩個願望。墨魚丸外表油亮飽滿，入口彈牙爽脆，牛丸肉質緊密有嚼勁，咬落去帶有豐富肉汁與濃郁肉香。
台式腸 $8﹕香腸烤得外皮油光鋥亮，腸衣薄脆微繃，咬落去「啪」一聲爆汁。內裏嘅豬肉肥瘦適中，肉質扎實且帶有地道台式風味嘅清甜與淡淡五香香氣。微甜鹹香，香口惹味。
金記小食
太子 30/8/2026 14:30
酸辣粉﹕紅油湯底色澤紅亮，酸味醇厚，麻辣辛香直衝味蕾，非常刺激。紅薯粉煮得晶瑩剔透、軟硬適中，咬落滑溜爽口又極具彈性，完美吸飽酸辣精華，味道偏辣。肉碎俾得多，味道不錯，配埋爽口榨菜碎同香蔥一齊食，口感豐富多層次，都幾原味還原。
碗仔翅﹕呢碗經典港式碗仔翅稠度拿捏得剛剛好，勾芡順滑唔會結塊。湯底以濃郁嘅香菇肉絲熬製，色澤深邃油亮。入面配料相當充足，有齊爽脆嘅木耳絲、軟嫩嘅冬菇絲同幼滑嘅粉絲。落少少麻油同紅醋提鮮，醋香更能突顯出湯底嘅鮮甜鹹香，熱辣辣落肚非常暖胃又滿足。
大腸豬紅﹕豬大腸洗得非常乾淨，完全無異味，雪白油亮、爽彈嚼勁。
湯菜肉水餃﹕呢碗湯菜肉水餃賣相樸實但充滿家常滋味。水餃皮偏厚，包得圓潤飽滿，咬開入面包滿新鮮豬肉同爽脆蔬菜，菜肉比例勻稱，肉汁鮮甜多汁；配搭清甜溫潤嘅高湯一齊食，鮮味十足且毫不油膩，係飽足感滿滿嘅暖心之選。難得唔辣之選。
泡椒鳳爪﹕鳳爪皮爽肉脆、筋道彈牙。經過特製泡椒水長時間醃製，酸風味完全滲透入骨髓，酸爽開胃之中帶有後勁十足嘅泡椒辛辣感。冰涼爽口且膠原蛋白滿滿，越嚼越香，令人食到停唔到口。呢味唔算太辣，反而有驚喜。
價格親民且選擇豐富，唔怪得人流都幾旺，不過辣味為主，未必人人岩合味。
天廚海南雞飯
新蒲崗 24/8/2026 16:30
今日又來啟德食飯，臨走一定要行一行去新蒲崗外賣「天廚」回家做晚餐。
香煎羊扒滑蛋飯配燒汁 $78﹕呢款香煎羊扒滑蛋飯份量十足。羊扒煎得外層微微焦香，肉質軟嫩多汁且保留住羊肉特有嘅鮮香，完全唔會乾韌，調味到位，非常咸香惹味。滑蛋炒得嫩滑，帶有濃郁蛋香，半熟嘅蛋液加上粒粒新鮮帶子粒，海味十足，淋上惹味微甜嘅燒汁，超下飯。
海南雞飯配油飯 $58﹕賣相吸引，雞肉份量充足。雞皮爽滑油亮，肉質鮮嫩幼滑且完全唔柴，保留住雞肉嘅原汁原味。油飯粒粒分明，吸飽雞湯與香茅斑蘭嘅精華，油香撲鼻且乾爽不膩。最緊要有齊三款醬料，送飯一流。
手作煎墨魚肉餅喇沙湯米線 $62﹕喇沙湯香氣極度濃郁，濃稠惹味，椰香味足夠，帶輕微辣度，豆卜同米線索晒湯汁，味道超正。煎墨魚肉餅質地扎實彈牙，食得出中間仲有粒粒墨魚肉，爽口彈牙，口感豐富，家鄉味十足。
跟餐附送嘅熱飲，非常抵食。熱菜蜜甜度溫和潤喉，散發淡淡西洋菜香氣，清熱解膩；熱奶茶則茶香醇厚、奶味香濃，入口滑順回甘，保留傳統港式茶餐廳嘅濃厚風味。
全單$198，整餐外賣用料實在、性價比極高。
Potato Corner
旺角 22/8/2026 15:30
今日嚟到旺角 Potato Corner 叫咗多款人氣炸物小食，所有小食即叫即炸、熱辣辣，調味粉份量大方，絕對係旺角街頭解饞又過癮嘅首選！
炸薯粒 Mega（芝士、粟米味）$50﹕炸薯粒炸得外層金黃酥脆，內裏嘅薯蓉依然保持綿密。今次撈咗芝士同粟米雙重調味粉，濃郁醇厚嘅芝士有鹹香味，粟米味道勁香勁清甜，鹹鹹甜甜均勻裹滿每粒薯粒，非常好味。
炸番薯條 Jumbo（燒烤味）$48﹕炸番薯條外皮輕脆，入面嘅番薯肉超軟糯，味道好香甜，食得出番薯本身嘅甜味，面頭灑滿濃郁嘅 BBQ 燒烤粉，帶有少少煙燻焦香同微甜微辣嘅風味，襯托出番薯本身嘅天然甘甜。
拉絲水牛芝士條 $30﹕外層嘅麵包糠炸到金黃薄脆，咬開入面嘅水牛芝士奶香濃郁，口感綿密，可惜放耐左做唔到拉絲效果。
爆米花雞粒 $16﹕爆米花雞粒炸得乾爽不油膩，外層炸漿薄脆香口，入面嘅雞肉肉質鮮嫩多汁，完全唔會乾柴。一口一粒大小剛剛好，肉香四溢且調味充足，熱辣辣食香脆惹味，係下午茶邪惡小食嘅絕佳選擇。
姐姐太熱情，不停問你想試乜，最後仲送多一份細炸番薯條請小朋友食，開心。
Potato Corner
銅鑼灣 21/8/2026 16:00
今日灣仔上堂，先去銅鑼灣掃街搵食，一條街食兩站真係勁抵!
第一站Potato Corner ，新鮮即炸薯條好吸引。有好多唔同款式、形狀嘅炸物，揀左笑面薯同炸薯圈，仲可以揀唔同調味粉，超開心。即叫即炸熱辣辣，調味粉份量充足，食唔停口，極邪惡!
笑面薯餅 Smileys Mega $50﹕笑面薯餅賣相勁得意，炸到金黃酥脆，中間薯肉好甜好滑。Mega可以揀兩款調味粉，揀左芝士粉鹹香濃郁，夠晒咸香；酸忌廉洋蔥粉就酸甜微鹹，洋蔥香氣撲鼻，超惹味。
炸薯圈 Loopy Fries Jumbo $48﹕呢款炸薯圈炸得火候十足，外皮極之香脆，圈狀造型沾滿調味粉。黑松露真係好多菇菌鮮味，鹹香酥脆，食唔停口。
價錢小貴，但感覺真材實料，薯仔本身都好高質，一分錢一分貨。指定時間有套餐更抵食，下次可以再試。
