黃埔 22/3/2026 12:00
以往都幾鍾意呢間牛骨湯麵，原來出左套餐，一款麵+小食+飲品，非常抵食!
牛筋牛腩肥牛手工麵 $78﹕餸料勁多，牛筋炆到極之軟腍入味，入口即化，充滿骨膠原。牛腩大大件，啖啖肉，肥牛肥瘦適中，煮得入味。最抵讚係佢哋個牛骨湯底，清澈，入口醇厚鮮甜，飲完都唔會覺得口渴。手工麵煙韌彈牙，又掛湯。
牛舌、炸雞扒手工麵 $72﹕份量十足，厚切
牛舌軟嫩得嚟又帶點爽脆，即炸嘅雞扒炸到金黃酥脆，肉質嫩滑多汁。
小食揀左A5和牛慕絲甜品，賣相超得意，神級還原，紅白相間嘅雪花紋理極之逼真，望落完全係一塊頂級嘅生和牛，打卡一流。原來係士多啤梨慕絲，質地輕盈，入口即化，味道都相當濃郁，甜度啱啱好。
粟米豬肉小雲吞 $48，細細粒，皮薄料多，粟米超甜，小朋友最鍾意。
29/12/2025 13:30
落船後，嚟到位於鼓山碼頭旁嘅「新濱町海洋廚房」，裝修非常靚，有十幾間食肆，座位又舒適。
一幻拉麵
甜蝦麵頭拉麵、原味煎餃、飲品 NT$380﹕招牌嘅甜蝦麵頭拉麵，紅色湯底鮮甜濃郁，充滿甜蝦嘅精華，散發出超級濃郁海味。拉麵質地彈牙，非常掛湯。叉燒同溏心蛋非常好味。煎餃煎到金黃香脆，餃子皮薄薄地，入面嘅豬肉餡極之鮮嫩多汁，調味啱啱好，完全唔會覺得肥膩。
日乃屋
元氣特餐 NT$310﹕主打日式傳統風味，咖哩帶有淡淡嘅蔬果清甜，慢慢滲出惹味嘅微辣，面頭仲有一層半溶芝士，份量足夠拉絲，同濃郁嘅咖哩汁完美融合，口感變得超級綿密滑溜，芝士嘅奶香中和咗咖哩嘅辛辣。一塊大大塊嘅炸豬排，炸到金黃香脆，豬肉保留咗豐富嘅鮮甜肉汁，肉質軟嫩。仲有一隻半熟蛋，將蛋黃戳破，濃郁蛋黃液流出，成碟飯變得更加豐富同溫潤。
順億鮪魚專賣店
極味TORO海鮮丼 NT$450﹕豪華海鮮丼匯聚咗五款頂級新鮮食材，包括吞拿魚腩、三文魚、帶子、甜蝦同埋三文魚籽。吞拿魚腩油脂均勻，真係入口即化，有濃郁嘅魚脂香氣。三文魚同樣肥美，肉質極之嫩滑多汁。大大粒嘅帶子極度鮮甜，肉厚又鮮甜。嘅質感。甜蝦晶瑩剔透，蝦肉彈牙。三文魚籽圓潤飽滿，閃閃發光，爆出濃郁嘅海水鹹鮮味。連埋軟硬適中嘅醋飯一齊食，鮮味無窮。
醬燒豬肉丼 NT$230﹕豬肉片切得啱啱好，肥瘦均勻。經過高溫炙烤之後，豬肉表面帶有一層微微嘅焦香，肉質極之軟嫩多汁，完全唔會覺得嚡口。最吸引嘅絕對係面頭嗰層秘製醬汁。鹹甜適中嘅醬汁完美咁包裹住每一塊豬肉，惹味得嚟又唔會蓋過肉本身嘅鮮甜。軟糯Q彈嘅日本珍珠米，吸滿咗由豬肉流出嚟嘅肉汁同香濃醬汁，啖啖都充滿住精華。
28/12/2025 19:30
高雄漢神巨蛋內有美食廣場，座位唔多，還好搵到合適位置。揀左呢間段純貞食紅燒牛肉麵。
紅燒半筋半肉牛肉麵 NT$320﹕份量都唔少，紅燒湯頭加左多種獨門香料與牛大骨長時間熬製，濃郁醇厚，帶有一絲微辛，味道都幾香。牛筋燉煮得極度軟腍入味，膠質豐富。牛腩肉質軟嫩且吸滿湯汁精華。手工粗麵條煙韌有嚼勁，非常掛湯。
番茄半筋半肉牛肉麵 NT$340﹕另一款加左番茄湯底，有番茄酸甜味，濃郁不膩口。
原味腱心牛肉麵 NT$265﹕牛腱心切得非常厚實，肉質與油脂分佈極為均勻，既有瘦肉嘅鮮甜，又帶有細筋嘅微彈嚼勁。
經典燉雞麵 NT$210﹕清澈金黃色湯底醇厚甘甜，大大隻雞脾燉得細嫩，肉質都不錯。
每個套餐有一碗麵加小食，小食可選炒菜或小拼盆，海帶滷得入味，豆乾吸滿了特製滷汁，散發著淡淡的醬油與香料味。加NT$19就跟一杯飲品，可選四季春茶、烏梅桂花蜜等，都幾抵食。
![2025 高雄墾丁之旅 [1.1 高雄到著]](https://www.letseatoutdiary.com/wp-content/uploads/2026/01/img_0571-1080x675.jpg)
26/12/2025
7:00 馬鞍山Call的士去機場，45分鐘已到達。今次黎到機場，國泰全面採用自助辦理登記手續，但因為我地人又多，整個程序都複雜，感覺上仲慢，仲要自己搬行李去寄艙。
08:30 過關都算幾順，好快就入到禁區美食廣場搵食。
都爹利會館
上機前嘆返個精緻嘅港式美食，話係米芝蓮級數。我哋點咗人氣嘅點心拼盤套餐 ($78-88)，一籠三件點心加一碗麵，一次過滿足幾個願望。叉燒包幾鬆軟，內餡都幾豐富。燒賣肉質幾彈牙，材料豐富新。粉果外皮晶瑩剔，內餡滿滿又爽脆。魚蛋魚片湯底清澈鮮甜，魚蛋、魚片魚肉鮮味，爽口彈牙。另一款麵係韭菜豬肉水餃麵，水餃肉質嫩滑彈牙，仲有鮮甜肉汁。雪菜肉絲米就不過不失。
9:30 今次上機係衛星廊，原來有一個觀景台，可以睇到停機坪，視野都廣闊。可怕收到通知航班延誤，最後等多半個鐘先上機。
10:55 上機，飛行時間唔夠只係45分鐘，所以全程快上快落。
飛機餐係台式麻油雞飯，飯粒表面閃閃發亮，完美吸滿晒麻油同雞油嘅甘香。飯粒分明煙韌，滿口都係惹味嘅麻油香。雞肉咬落去極之嫩滑多汁，吸收咗濃郁嘅湯汁同麻油甘香。兒童餐係蝦仁炒飯，味道不錯，略嫌飯較為硬。
12:40 到達高雄小港機場。機場其他好細，過關只得兩個櫃位，但過程都算幾快，取行李等左一陣。
高雄市內主要用捷運都可以自己玩，但墾丁就必須要包車行程，所以決定今行頭幾日直達墾丁。朋友介紹一間包車公司有讚無彈，好快就約左司機。今次仲可以坐到新車，係Benz 9人座，非常闊落，坐位舒適。
高雄去墾丁車程2小時，沿途無死角海景，天氣仲好好。
深水埗 11/10/2025 14:00
今日來到西九中心美食廣場，呢間Pizza店選擇非常多。
千島海鮮韓式pizza $79: 新鮮即焗，賣相吸引，整個餅面有好多魷魚、蟹柳絲、蜆肉等等，再加上大量芝士，顏色配搭豐富。餅底厚薄適中幾鬆軟，千島醬嘅味道非常突出，甜中帶酸，好開胃，芝士份量夠慷慨做到拉絲效果。
卡邦尼炒年糕公仔麵 $69: 勁多奶油超忌廉咪，芝士奶香味濃郁，口感順滑，煙肉鹹香，洋蔥超甜。韓式年糕煙韌軟糯，富有嚼勁，公仔麵就夠索晒汁 好飽肚。
原味飯卷 $50: 紫菜鹹香，脆卜卜，材料都好豐富，有蟹柳，紅蘿蔔，青瓜，魚片等，好有韓式風味。
食物係不錯，但係西九龍中心美食廣場實在太多人，座位真係麻麻哋。
黃埔 27/9/2025 14:00
沙茶鮮牛肉刀削湯麵 $56﹕最特色係濃郁嘅沙茶湯底，味道夠晒濃郁，甜中帶鹹帶輕微辣味。牛肉片切得厚薄適中，口感嫩滑，沾滿茶醬，香氣四溢。刀削麵煙韌有嚼勁，厚度均勻，充滿彈性。湯底係呢碗麵嘅靈魂，經過長時間熬煮囓牛骨湯，牛味夠香但又唔覺油膩，好清爽。
牛筋腩刀削湯麵 $56﹕另一款揀左最經典嘅牛筋腩麵，份量超多，最鍾意牛筋非常軟糯嘅，膠質豐富。牛腩亦都好腍滑，牛味濃郁。
一碗麵加$12有一枝水果冷泡茶﹕青蘋果冷泡茶酸酸甜甜，茶底幾甘香，夠解渴。另一款白桃冷泡茶仲正，白桃味香，酸甜適中。
炸邪惡滷豬大腸 $38﹕小食都有好多款，見到好邪惡嘅炸大腸好吸引，出面比較少見。大腸炸得香脆，脂肪適中，仲有膻味但唔腥，加左少少椒鹽，惹味。
烤地瓜球 $26﹕六大粒圓碌碌，炸得脆卜卜，中間原來係奶黃餡，微甜，不錯。
