Sweets House Cha Cha @尖沙咀

10/4/2022 12:30

今日嚟到尖沙咀喺美食廣場食完個午餐之後，就喺出邊買雪糕做甜品。見到今日有期間限定雪糕，實在太靚啦，係我哋最掛住嘅日本櫻花。

櫻花盛放 $52

揀左綠茶牛奶兩溝雪糕底，上面加左士多啤梨、花沾餅、類似果蓉忌廉，仲淋上士多啤梨汁。實物同相片100% match！！

雪糕幼滑，配上士多啤梨酸酸甜甜，仲食到有櫻花香味，呢個配搭好好味。不過，如果揀原味牛奶的話，相信士多啤梨同埋花香味會更加突出。可惜期間限定，可能下次唔見了。