喫茶ちょうぼ@大埔

24/4/2022 12:00

無得去旅行，惟有周圍搵好野食。Bookmark左唔少餐廳，呢間係其中之一。適逢黎大埔玩，午餐就呢度解決。還好時間尚早，入座無耐就開始排隊，人氣甚高。

草莓沙冰 ＄48 充滿士多啤梨香味，凍冰冰嘅飲品。

玉子蟹肉炒烏冬＄92 有唔少蟹肉、雜菌炒烏冬。

日式紅酒燉牛肉蛋包飯 ＄115 大大件蛋包飯，即席即開蛋皮，蛋汁流晒出黎，蛋非常嫰滑，再加上日式紅酒汁，非常香濃。牛肉腍腍的，相當入味。

忌廉水果三文治加＄28配一份甜品，揀左每日限定嘅水果三文治。橫切面好吸引，大大件水果。麵包幾鬆軟，忌廉唔甜，加埋水果好清爽。

另外叫左個日式布甸，器具靚，普通一個布甸都可以整得靚。布甸蛋香味濃，入口即溶，不錯。

食物味道好，餐廳靚，不錯。