沙田第一城

1/1/2025 12:00

吉列豚扒蛋蓋飯 $86﹕豚扒外層炸得金黃香脆，麵衣酥脆鬆化，唔算油膩，豬肉本身都算嫩滑，仲保留到肉汁。滑蛋質感順滑，鋪上白飯面。日式醬汁甜中帶鹹嘅味道啱啱好。

和風薑汁野菜肥牛意大利粉 $74﹕肥牛肉質鮮嫩，肥瘦適中，薑汁和風醬汁嘅味道香濃，薑汁嘅香氣特別搶眼，甜甜鹹鹹嘅。意大利粉煮得恰到好處，保持彈牙口感。仲加左好多秋葵同翠玉瓜，口感清爽。份量方面亦非常滿足，牛肉嘅分量足夠，和風味。

兒童餐 $65 香脆雞塊、牛油粟米、蜂蜜牛角窩夫、卡邦尼意大利粉、熱泡沫朱古力北海道牛乳

食物種類豐富之餘，賣相冇得彈。香脆雞塊炸到金黃酥脆，一啲都唔油膩，入面仲保持住鮮嫩多汁，算係好好食嘅炸雞塊。牛油粟米以溫熱嘅方式奉上，粒粒飽滿，充分吸收咗牛油嘅香氣，一口咬落去，香甜得嚟又帶住淡淡嘅奶香，真係非常滋味。蜂蜜牛角窩夫外皮微脆，帶有淡淡嘅牛油香，但放耐左就變得比較韌。卡邦尼意大利粉奶香濃郁，有火腿蘑菇得材料。最後就係熱泡沫朱古力嘅北海道牛乳，泡沫細膩綿滑，入口有豐富嘅朱古力香氣，奶味濃厚，仲可以自行加入朱古力醬同迷你棉花糖。整體份量係非常理想，足夠飽肚，有甜有鹹又有飲品，組合多樣化兼且均衡。

---

17/3/2024 12:30

鹽燒牛舌蛋蓋飯 $72

幾塊厚切牛燒舌牛味幾濃郁，但係略嫌乾身少少，肉汁唔夠，蛋包飯中間喺返茄汁炒飯，味道不錯，還好蕃茄醬夠多，仲有啲番茄肉。

香燒雞扒配露絲瑪莉燒汁意大利粉 $82

雞扒大大塊，燒汁醬汁味濃，仲有啲秀珍菇，意粉硬度適中，仲有好多車厘茄同埋瓜菜，好健康。

兒童餐：賣相靚，擺盆有心思，主菜有忌廉蘑菇卡邦尼意粉，味道幾濃。小食仲有牛油粟米，香甜。仲有幾件麥香雞。甜品有迷你窩夫，可以自行加上朱古力醬同埋迷你棉花糖，小朋友最開心。

---

2/6/2019 12:00

今日嚟到沙田第一城一間簡約西餐廳，套餐非常之抵食，都好適合小朋友，坐得舒服。 午餐包括餐湯、主菜、飲品。 忌廉湯非常之濃郁。叫咗一份牛肉蛋包飯，份量相當多，牛肉給林滑，蛋包飯正常發揮。 咖啡都相當濃郁，奶味適中，加少少糖就啱啱好。