沙田禾輋

13/8/2023 12:00

南蠻雞扒拉麵定食配日式叉燒飯 $86

份量相當多，南蠻雞扒超大塊，炸得好香脆，他他醬汁酸酸甜甜俾得足夠。拉麵係豚骨湯底，湯米幾清甜，唔算十分濃郁，上面塊叉燒味道不錯，幾滑。加配迷你日式叉燒飯份量都唔少，味道還可以。

和風鮮魚味醬油沾麵 $75

沾麵非常正宗，麵條係粗身麵，沾湯係鰹魚豚骨湯，唔算得上非常濃郁，但係尚算唔錯。特別欣賞糖心蛋非常入味。

2/10/2022 12:00

炸雞拉麵定食配迷你日式叉燒飯。雞肉大大件，冇太多炸粉，啖啖肉，保持到肉汁。豚骨湯底甜甜地唔算十分濃郁，正常發揮。

南蠻炸雞便當，炸雞超級大塊，外皮非常鬆脆，中間仲有肉汁，最欣賞他他汁酸酸甜甜好開胃。便當仲有口燒玉子，煙肉卷，蟹柳天婦羅，泡菜等，非常豐富。

最後叫多個和風鮮魚味醬油沾麵，沾麵尚算不錯，材料都好足夠。