深圳黃田鐘屋店 4/4/2025 15:00

果立方慕斯甜品 15元﹕果立方慕斯甜品非常高顏值。呢款甜品由四款唔同口味嘅慕斯構成。每粒立方面層用唔同鮮果點綴，視覺上超有驚喜。四款分別係芒果、士多啤梨、藍莓同朱古力。水果味慕斯細滑得嚟仲富有彈性，底層係柔軟綿密質地嘅蛋糕。水果味帶自然果甜，味道不錯。而朱古力味道濃郁帶微微甘苦味，上面舖左薄薄朱古力片，非常香濃。

黃油年糕 19元﹕一打開盒就聞到一陣陣黃油香氣。年糕外表煎至微焦，呈現金黃色澤。一口咬落去，外層酥脆，但中間依然柔軟有彈性，而且十分煙韌，呢種外脆內韌嘅口感對比實在係一大亮點。食得出黃油嘅濃郁香味，甜度控制得恰到好處，每一啖都感受到年糕嘅米香。

招牌牛奶手撕包 13.8元﹕手撕包呈金黃色澤，而且表面略帶少少奶油光澤。輕輕撕開，見到中間細膩柔軟，可以做到拉絲效果。入口食得出濃郁嘅奶香同蛋香，味道微甜。面包係鬆軟中帶有輕微彈性，口感一流。

核桃馬里奧 10.9元﹕呢款甜點近期非常人氣。核桃馬里奧有靚靚嘅琥珀色外層，有好多碎核桃粒作綴住。切開中間，麵包本身鬆軟核桃香氣即刻撲面而來，帶有自然核桃嘅微苦同成熟堅果香氣，仲夾雜住焦香嘅焦糖味，內餡係奶油乳酪芥末醬，味道微微酸甜，似沙律醬，幾特別。

---

深圳黃田鐘屋店 26/1/2024 13:00

布丁撻 15元/2個﹕本身賣相不錯，可怕就係外賣途中整爛左。撻皮金黃色色，薄而酥脆，唔會感覺油膩。中間嘅布丁部分質感滑溜，甜而不膩，奶香同雞蛋香結合，成個布丁撻嘅甜度控制非常好，唔太膩。

迷你小香腸 9.9元/4個﹕迷你小香腸包，真係細細粒但充滿驚喜！呢款迷你包一見到就俾佢精緻可愛嘅外形吸引住，麵包金黃色上面有醬汁微微焦香相間。麵包質感鬆軟而有彈性，唔會太乾身。入面包住嘅香腸啱啱好係一口尺寸大小，鹹香濃郁，小朋友最鍾意。

半熟芝士蛋糕﹕包裝精緻，芝士蛋糕本身綿密，芝士濕潤，芝士味濃郁，奶味香濃，微甜夾雜住淡淡嘅鹹香，味道不錯。

---

4/1/2024 13:00

原來鄉下開咗一間麵包店，連鎖式經營好多間分店，鋪面相當乾淨企理。今日買手信，買咗四件半熟芝士蛋糕（優惠價11.5元，原18元2個）一盒肉鬆小貝（原16元4個）。點評有優惠價，相當抵食。半熟芝士蛋糕，芝士味幾濃，入口幾軟熟。肉鬆小貝肉鬆部較多，蛋糕比較實淨，醬汁唔算太多，味道正常啦。