11/8/2023 12:00

自助餐有新鮮生蠔，雖然唔係好大隻，但勝在非常鮮甜。刺身選擇多，非常之新鮮。仲有日式冷麵可以自加醬汁。

每位客人都送上一隻忌廉芝士焗帶子。芝士味幾香，但只真係好大隻，都幾鮮甜。

熱盆選擇都好多，最角落頭嘅燒烤最吸引，烤肉同埋腸仔味道不錯。仲有即煮沙田雞粥同埋意粉。

甜品款式多，有豆腐花、各色奶凍、各色西餅蛋糕

麵包布甸、雞蛋仔夾餅等，好多都係香港傳統小食。當中最好味就係豆腐花，亂粒粒，非常滑，自行加上薑糖水同埋黃糖，連續食咗幾碗。

雪糕當年係Haagen daze 已經upgrade左做Movenpick。

生日仲送上小蛋糕，開心。

餐廳唔算好大，但係座位都算闊落。