亞玉豆腐花＠黃埔
9/6/2019 14:00
喺黃埔九號水產食完拉麵午餐後，行商場行左一陣，臨離開黃埔食埋個甜品先走。咁岩見到豆腐花都幾多人食，試下先。
熱豆腐花 $9
最開心係黃糖自由任加，想幾要多都得。豆腐花熱辣辣，豆味幾濃，算幾滑身。糖水唔算太甜，加黃糖就岩岩好。紫凝狂食，食左半碗。
凍芝麻糊 $15
另外一款叫左芝麻糊，滿滿一碗，滿到差啲倒瀉。芝麻糊非常夠凍，岩晒夏天熱辣辣食。入口幾杰身，芝麻味道幾濃，有粒粒芝麻，似係自家製即磨，味道唔錯，不過都係豆腐花好味啲。
砵仔糕 $3
客家糍粑 $15/3粒
另外，再買少少手信拎番屋企慢慢食。砵仔糕仔仔個，小朋友份量，豆幾多嘅，唔算太甜。
糍粑脹卜卜，裡面超多餡，係花王加芝麻，味道幾好，個皮煙煙韌韌，薄薄地唔錯。
呢個下午茶唔錯。
0 Comments