荃灣海之戀 26/11/2023 13:00

點評抽到兩份試食現金券，價錢$90。

小店坐落荃灣海之戀，舖位相當細少，座位亦比較窄，唔太適當帶娃。

白武士九州風櫻花蝦豚骨湯拉麵 配餃子套餐$64+ $24

賣相都可以，份量適中。湯底薄薄嘅豬骨味，有唔少櫻花蝦，拉麵正常，流心蛋可以接受，最好食反而係大大片又厚身嘅叉燒，肥瘦適中，幾爽口。餃子係菜肉餃，炸得香脆，內餡豐富。反而小食仲好食過拉麵。

侍元濃厚味噌豚骨拉麵 配炸雞套餐$64+$24

湯底淡味噌味，拉麵麵質尚算可以。流心蛋同叉燒反而比較好。炸雞係咁多款之中最突出，大大件，炸皮唔算厚，香脆可口，啖啖肉有肉汁，不錯。

完全是港式口味。