和味館＠長沙灣
25/8/2019 12:00

難得黎到長沙灣探麻麻，帶老人家去飲茶慢慢歎。就係屋企附近隨便搵間茶樓，原來是新開無耐的，環境不錯，相當新淨舒適。叫幾樣點心食下。

幾欣賞點心係熱辣辣，非常新鮮。
炸雲吞就香脆，唔油膩。
老人家鍾意食傳統的中式點心，牛肉球、粉果等都係合格之選。

個人最鍾意菜苗餃，餡料足，仲有大大隻蝦。
鳳爪醬汁帶微辣，非常惹味。
排骨配上少見的陳村粉，加少少豉油都已經好好味。

中午時間兩個大人都係食左百零蚊，相當抵食。麻麻話平日仲有套餐更加抵食。
真係街坊價。