深圳皇庭中心 28/1/2024 17:00

今次抽到大众点评免費試，一個單人套餐。

京都照燒肥牛丼飯、蜂蜜芥末蔬菜沙拉、深海鱈魚扒、日式冰皮大福、味噌湯、蜜桃烏龍冷浸茶 （77元）

單人套餐都相當豐富，賣相不錯，尤其是一個小木盒裝住四款。肥牛都相當多，入口幾腍滑，仲有洋蔥配搭。最欣賞小食吉列鱈魚扒，魚柳啖啖肉，炸粉唔厚，唔油膩。蜜桃烏龍茶，不太甜相當清涼解渴。冰皮大福濃郁嘅朱古力味，凍冰冰幾好味。

另外點評優惠叫咗一份鰻魚飯，只需要29.9元。賣相當不錯，鰻魚鋪滿成個面，醬汁豐富。鰻魚都幾厚身，但略嫌有輕微腥味。鰻魚汁落得足夠撈飯，其實呢個價錢都算交足貨。

小店坐落冇乜人流嘅皇廷中心，清清淨淨優優閒閒食個下午茶都可以。