深圳中航城君尚 21/4/2024 17:30

又抽中大眾點評零元探店。今次試呢一餐自己一定唔會俾錢食嘅湖江菜，只係貪佢幾高級，環境幾舒服，姑且試一次。

提子青檸汁：非常之大枝，提子味幾香，酸酸甜甜幾開胃。

蠶豆米拌鮮腐竹：作為一個餐前小食，冷盤，麻油味幾香，腐竹幾好味。

蕃茄絲瓜滑肉：非常多絲瓜，蕃茄，肉片幾滑，湯底係蕃茄湯帶好輕微辣味，撈飯也不錯。

沔陽蒸牛肉：就好似一個打碎咗嘅肉餅，仲有啲澱粉質，夾雜咗一絲絲牛腩，輕微辣味，味道可以，但有啲油。

蠶豆米燒蝦球：大量譚豆煮小龍蝦，醬汁非常辣，小龍蝦都好多，但個人興趣不大。

楚采櫻花糕：賣相非常靚，淺粉紅色嘅花形狀糕點。饅頭包住中間粉紅色醬汁，都食得出花香咪味道，非常特別。

呢一餐自己一定唔會俾錢食，每樣菜式對個人嚟講都非常獨特，試過一次就算。