Dream Cafe

by | 8 月 4, 2019 | Blog, 樓上cafe, 西餐 | 0 comments

Dream Cafe@旺角
4/8/2019 19:00

早排食過一間不錯嘅Cafe後,開始有舖癮繼續試Cafe,就貪佢坐得夠舒服,成晚流流可以晚晚hea,就算帶埋BB都可以悠閒慢慢食。就睇Openrice發現呢間Cafe相當多好評,今次就揀呢間黎試試。位置方便就喺朗豪坊隔離。

Cafe全梳化位,最鍾意坐得舒舒服服。揀左個二人餐,有餐湯、飲品、兩個主菜,已經非常豐富。
餐湯係南瓜湯,中間仲有一粒粒南瓜蓉,好夠味,BB都好鍾意飲。飲品揀左兩款特飲,一杯薄荷朱古力沙冰,一杯曲奇朱古力沙冰,兩杯都非常夠凍,冰打得幻幼細,味道仲好濃。

其中一款主菜係蕃茄忌廉海蝦燴意大利飯,賣相非常得,上面有好多隻蝦,非常彈牙。最鍾意個汁好濃味,帶蕃茄微酸仲有忌廉白汁中和番,非常好味。上面仲加左唔少黑椒多一份香氣。

另一主菜係澳洲羊架配牛肝菌燒汁,估唔到Cafe都可以如此高質素嘅羊架,賣相靚之外,煎得七成熟剛剛好,羊肉中間仲非常Juicy,肉質本身好腍,帶輕微膻味,正係個人最鍾意嘅味道。燒汁的確帶菌類味道,好香。下面仲有好幾舊炸薯角,新鮮熱辣,脆脆的,非常唔錯。

呢餐實在好滿足,難得係樓上Cafe都食到好味嘅西餐菜式,坐得舒服都係一大賣點。以呢個質素,價錢算是可以接受,值得Bookmark。

Archive

0 Comments

Submit a Comment

發佈留言必須填寫的電子郵件地址不會公開。 必填欄位標示為 *

瀛鍋豪華火鍋晚餐

九龍城 29/6/2025 18:30 九龍城廣場對面有一間主打中式同日式嘅火鍋專門店,類似私房菜形式,非常高檔。...

IKEA

沙田 29/6/2025 11:00 燒鴨胸配紅咖喱、薯仔雜菜...

Minimelts

深圳KKOne 22/6/2025 16:00...

Fresh Fresh

旺角 21/6/2025 15:00 麻薯QQ布丁...

Odelice!

尖沙咀 21/6/2025 13:00 上次同最佳飯腳去過嚟沙田呢間時尚法國菜餐廳食早午餐套餐,食過翻尋味,今次encore尖沙咀分店!繼續來個Weekend...