大埔昌運中心 18/4/2026 17:00
超鍾意呢間大埔外賣糖水，價錢唔貴，勁足料，有驚喜。街坊小店值得支持。
芒果西米桃膠芋圓 $38:芒果肉俾得毫不吝嗇，大大粒又極之鮮甜多汁，西米晶瑩剔透，桃膠滑溜溜，三色手工芋圓煙韌彈牙，芋頭、地瓜香味濃郁。椰奶底香濃，甜度啱啱好，清爽解膩，超正!
綜合芋圓燒仙草 $42:碗底係滑溜溜嘅燒仙草，有淡淡嘅草本甘香，透心涼。配料超豐富，除咗有三色芋圓之外，仲有綿密嘅紅豆同微甜嘅珍珠。紅豆煮得夠腍又起沙，勁足料!
煎餃雙併 $40:一盒有齊粟米煎餃同韭菜煎餃，賣相飽滿，餃子皮炸到酥脆，餡料都幾豐富，鮮甜嘅粟米加豬肉。韭菜香氣濃郁，仲有肉汁，完全唔會覺得乾。
台式椒鹽甜不辣 $20: 煙韌鹹香：甜不辣條外層炸得微脆，入面煙韌彈牙，魚漿有淡淡鮮甜味，再撒滿台式椒鹽粉，鹹香微辛好惹味。
大埔 18/4/2026 14:30
原來大埔大元邨平台改裝得咁靚非常多食肆，呢一間Cafe裝修非常清新，仲有可愛嘅刺蝟做主題。
蘭王蛋日本壽喜燒肥牛扁意粉 $118: 賣相精緻，將日式壽喜燒同意大利扁意粉完美結合，創意十足。肥牛片肉質嫩滑，壽喜燒醬汁味道帶甜，非F常好味。扁意粉煮得軟硬適中，有口感得黎又可掛汁。重點係嗰隻蘭王蛋，蛋黃金黃濃稠，輕輕劃破，蛋液流出同壽喜燒醬汁混埋一齊，增添咗一層絲滑嘅口感，味道更加柔和。
煙三文魚明太子芝士手工薄餅 $138﹕薄餅底手工製作，薄而脆，烘得啱啱好，帶有微微嘅焦香味。上面鋪滿煙三文魚，鮮嫩鹹香，配埋濃郁嘅明太子醬，鹹中帶少少甘甜，味道層次豐富。再加上滿滿嘅芝士，焗到金黃溶化，拉絲效果一流，每一啖都係濃郁嘅芝士香同煙三文魚嘅鮮味。
玫瑰海鹽奶蓋巴斯克蛋糕 $43: 巴斯克蛋糕內裡濕潤香滑，芝士味十足。玫瑰海鹽奶蓋係靈魂所在，而且海鹽嘅鹹味非常突出，甜中帶鹹，加上玫瑰香味，非常特別。
雙重開心果奶蓋巴斯克蛋糕 $53: 巴斯克蛋糕外層微焦，內裡濕潤綿密，開心果味香濃。上面鋪滿雙重開心果奶蓋，濃郁得嚟又唔膩口，食得出到奶蓋嘅微鹹同堅果香氣，上面仲有啲碎開心果增添口感，滿足！
焦糖布甸拿鐵 $20: 一上枱已經見到厚厚嘅焦糖面，用羹𢳂起一啖布甸，口感極之滑溜，帶有濃郁嘅蛋香同微甜嘅焦糖味。焦糖嘅甜味同濃縮咖啡嘅微甘完美中和。既有咖啡嘅香醇，又有布甸嘅香甜奶香。
開心果奶蓋咖啡 $26: 底層嘅拿鐵幾香滑，面頭就鋪滿厚厚一層極之綿密嘅開心果奶蓋，仲撒咗啲開心果碎粒。
跟餐可以升級飲品，再加埋甜品，全單$440，真係飽到一個點，勁滿足。
太和 28/3/2026 14:00
星期六收工約同事食下午茶，揀左呢間串燒酒場，日頭去酒吧另外一番風味。叫左好多唔同款式嘅串燒，串燒拼盤超級澎湃，賣相勁靚。
串燒即叫即燒，香氣十足。每款串串燒得外焦內嫩。最鍾意食牛舌，燒烤微焦，口感爽口。荔枝豚肉串有驚喜，豬肉薄薄地燒得微焦，中間原來包住一粒超甜荔枝，果汁爆發，清新得嚟又惹味。原隻紙鶴雞皮好似薯片咁脆。
除咗肉類，菇類同海鮮亦都唔錯。雞髀菇極之厚身多汁。黑松露牛油芝士焗菌雜菌份量超多，黑松露味道勁香。白鱔燒到外皮脆卜卜，中間勁Juicy。
每款串燒都好好味，保留到食材原汁原味。一啖串燒一啖蘋果酒，三五知己來過Happy hour，超級滿足！
極品生燒乳豬串 $38﹕乳豬皮燒到極之香脆，咬落去索索聲。肉質保持嫩滑多汁，肥而不膩極有水準。
黯然叉燒串 $23﹕蜜汁完美包裹住半肥瘦嘅叉燒，外層帶點微焦香氣。入口肉質軟腍惹味，真係超好味。
荔枝豚肉串$25﹕豚肉嘅油香同荔枝嘅清甜完美結合，一咬即刻爆汁。清爽嘅果香中和晒肉脂感，配搭極之有驚喜。
蒲燒雞髀菇串 $18﹕雞髀菇厚肉彈牙，吸滿晒濃郁惹味嘅蒲燒醬汁。
和牛胸爽串 $26﹕口感爽脆，牛脂香氣大爆發，越嚼越出味。
韓式牛肋肉串 $29﹕牛肋肉肉質緊實有咬口，韓式醃料極之入味。微甜帶香嘅醬汁帶出牛肉鮮味，惹味到極。
汁燒牛小腸 $32﹕外層燒到微脆，咬開入面甘香嘅油脂即刻湧出嚟。醬汁濃厚香醇，處理得極之乾淨完全無異味。
煙燻和牛舌串 $38﹕厚切牛舌爽彈無比，煙燻香氣極之迷人。肉汁豐富兼且牛味濃郁，夠晒咸香。
汁燒牛頸脊串 $39﹕牛頸脊肉質極之腍滑，油花分佈得非常均勻。
原塊紙鶴雞皮 $19﹕雞皮燒到好似薯片咁薄脆，完全逼走晒多餘油份。惹味香口又唔會覺得肥膩，絕對係極佳嘅下酒菜。
鹽燒雞軟骨串 $16﹕簡單嘅鹽燒最能帶出鮮味，咬落去咯咯聲極之爽脆。淡淡嘅炭香配埋微鹹嘅調味，令人停唔到口。
黑糖雞髀肉串 $19﹕嫩滑嘅雞髀肉加上微甜嘅黑糖，帶有焦香味，雞肉嫰滑Juicy，非常好食。
黑椒雞腎串 $19﹕雞腎爽口彈牙，完全唔會覺得韌。黑椒嘅辛香刺激完美帶出內臟鮮味，越食越開胃。
手工雞翅釀飯串 $28﹕雞全翼去骨後塞滿惹味炒飯，外皮燒到金黃香脆。飯粒吸滿晒雞油精華，口感豐富又飽肚，辣味好刺激。
加芝士焦糖玉子燒 $43﹕面頭嘅芝士燒到微焦，玉子軟滑，味道勁香甜，邪惡得嚟極之滿足。
雞皮墨魚滑串 $33﹕香脆嘅雞皮包住極之彈牙嘅墨魚滑，口感對比超級強烈。鮮甜嘅海鮮味同雞皮嘅脂香互相輝映，極具創意。
黑松露牛油芝士焗雜菌 $45﹕份量超多，黑松露撲鼻而來，雜菌完美吸收晒牛油同芝士嘅精華。
炭燒黑椒牛西冷 $58﹕牛西冷燒得外香內嫩，鎖住鮮甜肉汁，黑椒嘅微辣完美帶出牛肉本身嘅濃厚肉味。
明太子多士 $28﹕多士烘得酥脆無比，面頭鋪滿鹹香微辣嘅明太子醬，滿滿嘅海洋鮮味令人回味。
極品羊西冷串 $38﹕羊肉嫩滑無筋，羶香適中完全唔會覺得刺鼻，肉汁豐富。
紐西蘭羊架 $39﹕羊架肉質軟腍多汁，炭火高溫完美封住表面嘅肉汁。淡淡嘅羊脂香氣配上惹味香料，極好味。
牛油帆立貝串 $38﹕巨型帆立貝極之鮮甜肉厚，牛油香氣完全滲透入去，嫩滑無比，滿口都係海洋嘅鮮味。
無骨白鱔串 $58﹕白鱔皮燒到極之香脆，魚肉保持肥美嫩滑兼彈牙，魚脂香氣極度豐滿。
脆炸3.6牛乳 $28﹕外層炸得極之金黃酥脆，咬開入面係鮮甜牛乳，奶香濃郁得嚟唔會太甜。
芝士年糕串 $32﹕年糕外層微脆，一咬開入面嘅芝士即刻拉晒絲，煙韌軟糯嘅口感配埋鹹香芝士，邪惡又好食。
蒲燒鰻魚串 $29﹕鰻魚肉質綿密肥美，蒲燒醬汁極之濃郁甘甜。
Magners Original Apple Cider $58﹕蘋果酒極之冰涼透心，帶有天然清甜嘅蘋果果香。微酸解膩嘅味道配搭串燒，簡直係絕配。
科學園 19/10/2025 12:30
紅燒半筋半腩牛骨湯麵 $75﹕牛肉炆得非常軟腍入味，牛筋部分更加係入口即化，充滿膠質。紅燒湯底濃郁，麵條粗身，掛湯能力好強，食落去好彈牙。
鹽酥大雞排湯麵 $68﹕鹽酥雞超大塊，視覺上已經好震撼。外皮炸得香脆，內裡肉汁豐富，九層塔嘅香味好突出，非常惹味，雞肉本身仲好厚實，肉質嫩滑多汁，湯麵嘅湯底比較清甜，口感軟滑得嚟又帶點彈性。
醬燒豬頸肉肉燥飯 $68﹕幾片厚切嘅醬燒豬頸肉整齊咁鋪喺飯面，旁邊仲淋滿咗香噴噴嘅肉燥，豬頸肉燒到表面帶點焦香，爽口彈牙。醬汁嘅味道甜甜鹹鹹，好惹味，肉燥睇肥瘦均勻，充滿油香同醬油香，用嚟撈飯簡直係絕配。
太和 5/10/2025 14:00
鋒味安格斯煎蛋肉醬包﹕個包嘅賣相都幾靚仔，有一塊煎到微脆嘅太陽蛋，下面就係厚厚嘅安格斯牛肉，再下面就係肉醬。牛肉同麵包之間仲有兩塊白車打芝士，整體望落好足料。包烘得微脆，幾鬆軟。蛋白有少少焦香邊，蛋黃半熟。安格斯牛肉扒厚實多汁，肉質唔會太乾。肉醬有細細粒嘅肉碎，酸甜開胃。
青花椒雞翼炸到金黃香脆，聞到一股好清新又帶點刺激嘅麻香味。雞翼外皮炸得極之香脆，雞肉依然保持到嫩滑多汁，完全唔會乾身。口感層次非常分明，外脆內軟。青花椒嘅麻味會慢慢散開，幾特別。
27/10/2024 12:30
科學園發現呢間非常抵食嘅食料理，出品仲相當不錯，小店採用自助形式，堂食座位都非常闊落。人流唔多，好適合過嚟午餐。
黑豚扒雞扒石板燒定食 $98
非常澎湃嘅午餐，大大件黑豚扒，大大件雞扒放喺鐵板上燒，兩塊扒煎到黃金香脆，外皮脆脆，雞扒仲啖啖肉。黑豚扒非常嫩滑，味道幾甜，估唔到咁好食跟餐附上芝麻醬沙律，半隻溏心蛋，仲有飲品，真係非常抵食。
豬軟骨味玉豚骨湯拉麵 $60
湯底甜甜，拉麵都幾順滑亦掛湯，豬軟骨份量唔少，相當入味，軟骨又夠晒腍。味玉賣相不錯，半熟溏心，醬油味香，非常不錯。有齊木耳、魚板的配料，仲免費配麵豉湯，相當抵食。
極品雪花肥牛味玉黑蒜油拉麵 $68
賣相不錯，湯底有黑蒜油香，入口有豬骨湯味甜甜的，黑蒜油味道淡淡。肥牛非常腍滑，肥瘦適中。配上熱白桃烏龍茶，幾香甜濃味。
