Yo Mama@尖沙咀海港城
15/5/2011 16:30
Order﹕焦糖味乳酪 (無錯係Caramel焦糖，佢係咁寫既，我信佢) + 糯米糍
拎到上手，幾靚仔呀，個姐姐好有心機唧，仲有多少粒糯米糍，
飽足度都有9分啦!
但其實…..我想話呢…………..我覺得佢似拖肥多啲lo~!
第一啖已經feel到食緊拖肥既感覺。
食到尾，仲開始甜到有些少喉乾。
糯米糍都算ok，起碼佢真係夠糯米，相信就係台灣人所謂既QQ。
但問題黎啦。
其實焦糖、拖肥有咩分別? 真係唔知wo…請指教
應唔應去雅虎開個post問，會唔會有機做到熱門問題?
勿論焦糖同拖肥有冇分別都好…
1. 甜、超甜、勁甜﹕冇錯，焦糖應該係甜度幾高既，OK你贏
2. 會令人感到喉乾﹕冇錯，以過往經驗，焦糖應該係會咁既，OK你贏
But…冇左焦糖既精髓所在 – 焦。sorry, 衰左
可能早年去台灣深坑豆腐街食過兩杯叮一聲既豆腐雪糕，佢既味道的確係叮一聲。
深坑豆腐味﹕有種似煙燻、烤焗既味道，正係全街都賣烤豆腐既深坑豆腐街空氣既味道。
焦糖豆腐味﹕有一種焦香，近乎就燶但未燶之間糖既味道
用呢個咁深刻既記憶做對比，牛牛既焦糖味的確係稍遜。
哎吔，原來好多網友都會先試味，呃食多幾啖都好，我地竟然冇做，笨左!
起碼可以試試佢既真材實料原味乳酪。網上風評唔錯，其實，Froyo係咪真係食原味最好呢?
點都好，牛牛乳酪既軟滑幼細口感係我欣賞既!
一杯大杯裝配一種配料，多謝$35
用左你買我買團購$15當$30洗，仲要補多5個大洋，實價$20
總結黎講，都係果句，有電視框會試，但原價我唔會食lo~~~bye bye
I Love 團購!!
Caramel,Toffee同Butterscotch其實係三種非常相約嘅味道，
主要的分別係Caramel用白糖製作且會加Vanilla，
Toffee同Butterscotch則用黃糖，
而Cream、Milk同Butter嘅比例都略有分別，
Caramel的Cream同Milk比例會較多，
Butterscotch的Butter比例會較多，
而Toffee同Butterscotch的硬度上都有所不同，
Toffee係硬且脆身的，Butterscotch則較軟身，
所以Caramel會帶Vanilla味同奶味和Cream味較重，
Toffee同Butterscotch會帶有Brown sugar原有的香味和牛油香味。
當然其實基於口味相約且歷史也很久遠，
就如意大利人的蕃茄醬，
每個家庭都會有自己的配方般，
很多人製作Caramel,Toffee同Butterscotch時都會因應自己的喜好而調節當中比例。
thanks Phyco Sze!! 🙂