長沙灣 11/4/2026 14:00
鹵水乳鴿 $48﹕乳鴿油亮，鴿肉啖啖肉，肉質都幾滑溜，肉汁豐富。鹵水鹹香鮮甜，夠晒入味。
沙拉骨 $88﹕份量多，大大件豬扒掛滿濃郁嘅沙拉醬。豬扒微微酥脆，軟腍多汁。沙拉醬酸酸甜甜，大人細路都鍾意。
白鱔煲仔飯 $88﹕原煲即煮熱辣辣上枱嘅，一打開個砂鍋蓋，滿滿飯香同豉汁白鱔香氣。厚切白鱔鋪滿飯面，淋上甜豉油，賣相極吸引。魚肉厚身爽口彈牙，魚油豐富。最精彩嘅部分當然係底層極度香脆嘅金黃飯焦，咬落去索索聲，充滿濃烈嘅焦香，豉油撈飯，超正!
送贈是日靚湯，菜乾豬骨湯夠晒足料! 大牌檔風味。長沙灣市政街市樓上，舊街市無冷氣，天熱都有啲辛苦，衛生情況還好。
長沙灣 18/7/2025 13:30
Boholic 裝修靚，以波希米亞風格裝潢為主題，營造出清新舒適嘅用餐環境，非常適合與朋友享受悠閒時光。
揀左兩份午餐，每份包括是日餐湯，自家製酸種包。番茄湯有濃郁嘅番茄基底，味道勁濃郁，酸酸甜甜，仲融合左洋蔥清香，非常開胃。酸種麵包外層烤至金黃酥脆，中間柔軟，食得出酸香嘅發酵味，將麵包輕輕浸入湯中，吸晒湯汁嘅酸甜。
香蒜欖菜鮮蝦意大利麵 $88: 食得出香蒜極之濃郁，仲有好香橄欖油香氣，伴上鮮香嘅欖菜同香料，香氣滿滿。仲加左芝士，多一點鹹香味。鮮蝦大大隻，表面微微焦香，中間鮮甜多汁，仲非常彈牙。麵條都略帶韌性，口感不錯，仲吸晒香蒜欖菜醬汁嘅精華，非常好味。
越式烤美國特級豬梅扒$128: 擺盆賣相非常靚，厚切豬梅扒份量十足，切開中間係岩岩好熟成嘅淡粉紅色，調味鹹香，炭火燒烤多一個份煙燻氣息。肉質超級柔嫩，油花分布均勻，肉汁豐富，肉味香甜濃郁，沾一點酸辣醬汁，更加惹味，東南亞風味十分。
開心果奶蓋梳乎厘班戟 $138: 呢度梳乎厘出名又靚又好食。兩大塊梳乎厘疊起，蓬鬆柔軟，上面淋上細膩滑順嘅開心果奶蓋，同開心果碎碎。梳乎厘超級輕盈，入口即化，空氣感十足。濃濃嘅蛋味淡淡甜香，開心果奶蓋味道濃郁，帶堅果香氣，口感細膩滑順。最後開心果碎碎帶出堅果咸香，完美收官。
馬鞍山 1/5/2025 17:00
龍蝦湯蛋蓋煙肉天使麵 $42﹕龍蝦湯醬鹹香濃郁，帶有鮮明嘅海鮮味，但又唔會過於厚重，奶油感完美中和咗鹹味，令整體味道顯得順滑細膩。麵條煮得剛剛好，保持住彈牙嘅口感。炒蛋份量多，味道香濃，整整蓋喺湯麵上面，仲有好多煙肉片同番車厘茄，好健康嘅一碗湯麵。
飛魚子蟹柳炒飯配餐湯 $48﹕炒飯色彩繽紛，金黃色嘅炒飯搭配紅色嘅蟹柳絲同晶瑩閃亮嘅飛魚子。炒飯粒粒分明乾爽，每一啖都充分吸收咗蛋香與調味料嘅鹹香，飛魚子係當中嘅亮點，每啖炒飯都伴隨住飛魚子嘅輕輕爆破效果，滲出少許海洋嘅鮮味，而蟹柳絲軟嫩甜甜的，仲加左啲菇類加添香氣，咸香味濃，不錯。
加配 BBQ雞中翼 $15﹕雞中翼焦香四溢，表皮帶有微微嘅金黃色澤。濃郁嘅醬汁帶住輕微嘅甜鹹味，仲滲透住一陣煙燻香，完美包裹住雞中翼，每一啖都充滿濃濃嘅 BBQ 味道。雞肉鮮嫩多汁，咬落去充滿肉汁。
熱朱古力﹕極濃郁，跨張到可以自行加水沖多一杯!
洋蔥忌廉湯﹕洋蔥忌廉湯呈現奶白色嘅濃稠質感，忌廉湯帶有濃濃嘅奶香，原來材料非常豐富，入面有極大量洋蔥同煙肉。洋蔥經過慢炒後帶出嘅甜香味滲透整碗湯，配合煙肉嘅鹹香味，食得出洋蔥口感軟綿同纖維感，為湯加添咗少許咬口。勁好味勁驚喜。
長沙灣 29/1/2025 18:00
下午茶非常抵食
西西里鮮茄烤豬扒焗珍珠飯 $44﹕飯面舖滿芝士，焗得微焦，賣相吸引。豬扒經過精心烤製，保留肉質鮮嫩多汁，紅彤彤嘅鮮茄醬汁均勻鋪喺金黃微焦嘅豬扒上層，鮮茄醬酸甜滋味，帶清新自然嘅果味。珍珠飯粒粒分明，吸收晒鮮茄醬汁嘅香味。
蛋黃煙肉卡邦尼長通粉 $46﹕蛋黃嘅濃郁香氣滿滿，滑順嘅醬汁包裹住每條長通粉，散發出微微奶香，口感幼滑。煙肉粒煎至微焦，鹹味濃郁。長通粉煮至啱啱好嘅彈牙程度，每條麵都保留住一份韌性，再配合濃稠嘅蛋黃醬，味道不錯。
一口炸雞芝士撈即食麵 $45﹕炸雞嘅外層香脆得嚟完全冇油膩感，內裡鮮嫩多汁嘅肉質。即食麵煮至剛剛好嘅彈牙程度，唔會過火變軟，再配埋芝士醬，濃郁奶香包裹住每一條麵條，細膩軟滑，仲帶有少少拉絲效果。
柚子蜜味芝麻烤雞翼配薯條 $36﹕雞翼外皮金黃輕脆，均勻裹上咗一層清甜嘅柚子蜜，味道清新細膩，唔會過甜，正好帶出雞翼本身嘅鮮香。表面灑上黑白芝麻粒。雞翼表皮輕盈酥香，中間肉質嫩滑多汁，每一啖都帶著少許柚子蜜嘅果香，非常特別。配搭嘅薯條亦係相當出色，新鮮即炸，外層金黃香脆，內裡綿密鬆化，薯條都灑上適量鹽份，唔會太重口味。
馬鞍山 15/12/2024 12:00
夏威夷手工pizza $75﹕富有熱帶風情嘅經典之選，手工餅底嘅香脆，一種純手工製作嘅質感，帶住微微碳香，菠蘿嘅果香喺口中滲開，有啲清甜又帶一點微酸，加上火腿嘅鹹香形成對比，面層再舖滿濃厚芝士，提升奶香。
黑松露煙肉闊麵 $79﹕闊麵煙韌彈牙，結合咗濃滑奶油，再加上充滿層次嘅黑松露香氣，配料有煙肉同雜菇，相當不錯。
香草豬扒芝士滑蛋蓋飯 $69﹕鮮嫩嘅豬扒鋪滿喺飯面，再配合滑蛋嘅金黃光澤。豬扒嫩滑多汁，外層略帶焦香，內裡又保持住肉質嘅鮮嫩。最好食係滑蛋，細膩柔滑，入口即化，蛋味香濃，加上酸酸甜甜嘅番茄醬汁，開胃又好味。
碟底嘅白飯吸收咗所有芝士汁同蛋液嘅精華，每粒米飯都軟硬適中，而且全程保持濕潤但唔失粒粒分明。舉起一口飯，都能夾帶住芝士嘅拉絲誘人感，再加上香草嘅點綴，味道不錯。
馬鞍山 11/11/2024 12:00
黑松露煙肉闊麵 $79﹕闊麵條條均勻而順滑，每一根都裹著乳白色的奶油醬，散發著濃濃的黑松露香氣，每一口麵條都融入了奶油、黑松露和煙肉的綜合味道，讓口感更加飽滿且層次分明。煙肉片金黃微焦，咸香味足。
松露白汁烤雞焗飯 $71﹕賣相吸引，金黃色芝士層油亮，表面芝士微微焦脆，烤雞肉片均勻擺放於飯上，烤雞肉質細嫩多汁，白汁醇厚綿密，滲透陣陣松露香氣，白飯吸收了松露和白汁的精華，帶著一股濃郁的香氣，每一口都讓人感到溫暖又滿足。
長沙灣 18/2/2024 15:00
今日行過長沙灣經過呢一間專食冰凍甜品嘅舖頭，環境相當闊落企理，推埋BB車入去都冇問題。
甜品選擇非常多，有好多刨冰類型嘅。
宇治金時$49 ，冰底係綠茶口味，冰感十足，有淡淡的綠茶味。上邊加咗好多紅豆，都煮得夠腍，甜度適中。白玉小丸子煙煙韌韌。同埋一個大大嘅綠茶雪糕球，奶香味龍，綠茶味都可以。
只屬於你$55，浪漫嘅名字，原來係紫薯味。粉紫色嘅紫薯冰底，淡淡紫薯味，配上白玉小丸子，仲有兩大粒香芋雪米糍，上邊一大大個香芋味雪糕。
香蕉船配三色雪糕球$43，大大碟香蕉船，香蕉都幾甜，但略嫌生咗少少，肉質有啲硬實。自選揀咗士多啤梨、朱古力、抹茶味雪糕，每個雪糕球都相當大個，味道濃郁。香蕉上面加左鮮忌廉，啖啖奶香味，總之上濃郁嘅朱古力醬，非常豐富。
和味館＠長沙灣
25/8/2019 12:00
難得黎到長沙灣探麻麻，帶老人家去飲茶慢慢歎。就係屋企附近隨便搵間茶樓，原來是新開無耐的，環境不錯，相當新淨舒適。叫幾樣點心食下。
幾欣賞點心係熱辣辣，非常新鮮。
炸雲吞就香脆，唔油膩。
老人家鍾意食傳統的中式點心，牛肉球、粉果等都係合格之選。
個人最鍾意菜苗餃，餡料足，仲有大大隻蝦。
鳳爪醬汁帶微辣，非常惹味。
排骨配上少見的陳村粉，加少少豉油都已經好好味。
中午時間兩個大人都係食左百零蚊，相當抵食。麻麻話平日仲有套餐更加抵食。
真係街坊價。
Cafe 1950 歐陸餐廳
17/1/2016 13:00
23/12/2015 12:30
1/11/2015 12:30
17/1/2016 13:00
23/12/2015 12:30 @馬鞍山
豬軟骨飯
乾炒XO醬豬扒意粉
1/11/2015 12:30 @馬鞍山
21/9/2015 12:30 @長沙灣
焗芝士肉醬雞扒飯、飲品任飲 $50